新日記擇日開張，特別選擇呢一日。

因為剛踏入下半年，正好是迎接新轉變。

01-02/07/2006  怡區開荒好友營

100分滿意程度，可以俾120分。好到我都唔識講。

星期六成日玩晒歷奇Game，由大家唔熟唔識，去到玩得埋，有得傾，成功。

出奇的投入度，意想不到的反應..........好，非常好。

星期日，最精彩當然是洗腳。

在基督徒間，服侍洗腳已經不再是新鮮之事，

但為組員的，卻是第一次。

很久以前已經想替組員做一次服侍洗腳，何解? 真的不知道，或許正是最直接的服侍。

記得上一次有機會，是Encounter Camp，

當時我收到的消息是即將分組的按排，還想自已仍是大家組長的時候，

替大家洗腳一次，可惜一推再推，只有亞Ling因為會同家惠分開，

兩邊堂所，才決定入camp，其餘一概沒有興趣。

最後亞Ling因某原因，因為怕醜?難為情?，我不知道，

只知當時佢選擇返房沖涼，士多家惠邀請都唔肯，

兩個字講晒：拒絕。

今次得嘗所願，睇怕，都未必有下一次。

我那一組最多人，我亦洗得最慢.......(我溫柔麻)

對每一個組員說的話，非常簡短，要說，恐怕lunch也不用食了吧。

要說的，留待舊小組最後一次食飯再講喇。

成功的「夢幻游泳池」

「夢幻游泳池」試水..........鎮定樣小豬......

呢張影得好滿意，勁藝術 Feel。

帶住班靚仔週圍走，佢地主意多多，駛乜我出手。

一組「靚女」..........=.='

我和小豬

2006年沙田浸信會Connie區靚仔Joe組

帶埋最後一次小組，一齊靈修，本篇好的文章 - 司布真的一篇講章。

本應在開始前先睇一次，但時間所限，唯有一齊睇。

論復興，又再記起杜亮的一首歌，「求復興」。

為己求復興，為小組求復興，為牧區求復興，為教會求復興。

「求復興，為你全人爭戰，為你，無需驚怕或怯疚於這天.....」

又記得「疾風烈火」一書中開頭的一句，

「一切復興的開始，也是祈禱。」

我也要學哈巴谷先知的祈禱，「耶和華啊，求你在這此年間復興你的作為。」

星期六夜晚，為明早崇拜按排等事宜開完會，同組員玩到3點先訓。

簡直體力透支，事關食完飯尚餘15分鐘的時候，我已經能夠入睡....><"

但倒是難忘的一夜，一個不太正統的"Truth or Dare"，

卻多有深入的分享，盼望下一次玩得更好，分享更深。

一次被罰扮「齊天大聖」驚動全場，結果一晚扮演了三次之多，

坦白講，咁玩係第一次，確實無諗自己會跌落黎，

只是突然醒起練輕功之法，盡管一試，HA!

The PHANTOM of the OPERA 歌聲魅影

一段一生人點都要現場睇一次的音樂劇，

黎緊係香港公演，暫時太貴，又無合適的人陪，下一次啦，

下一次再黎香港應該有。

聽Wellen講，係外國有得睇排演，同on show一樣，

票價仲平好多添。

同場加映 joeksn @ imagestation 全新網上相簿

http://www.imagestation.com/members/joeksn

已經好耐無放過相上網，我諗有好多人都有興趣想睇下的。

希望有時間，可以放晒所有相上去，N年前個D都包埋。